Հղիության ընթացքում անգամ երիկամները աշխատում են ողջ հզորությամբ և ավելի շատ հեղուկի կարիք ունեն, որպեսզի գործեն ինչպես կարգն է։ Օրական Ձեզ անհրաժեշտ է առնվազն 2 լիտր ջուր։ Ներկայումս են շատ են բանավեճերը սուրճի վերաբերյալ, բայց խոսքը գնում է սուրճի մեծ քանակի մասին։ Միանգամայն նորմալ է օրական 2-3 բաժակ սուրճ ըմպել։ Նույնը վերաբերվում է նաև սև թեյին։  Զգուշացեք քաղցր ըմպելիքներից։ Գազավորված ըմպելիքներն ու մրգային հյութերը, օրինակ, շատ կալորիական են։

Գերմանական սննդաբանության միությունը խորհուրդ է տալիս հղիության ընթացքում ձուկ ուտել շաբաթական մեկ կամ երկու անգամ, որպեսզի ստանաք պոլիչհագեցած ճարպաթթուների բավարար քանակ։ Բացի այդ, ձուկը հանդիսանում է յոդի և սելենի հարուստ աղբյուր։ Շատ կարևոր Օմեգա 3 ճարպաթթվով հարուստ են յուղոտ ձկները ինչպիսիք են սաղմոնը, սկումբրիան, ծովատառեխը, թունան և սարդինան։ Ինչ վերաբերվում է խոշոր ծովային ձկների օրգանիզմում առկա հավանական աղտոտվածությանը, ինչպիսիք են թունան, կարմիր թառը, երկարատամիկը, բոնիտոն և շնաձուկը, ցանկալի է նրանց ուտել ոչ կանոնավոր կերպով և փոքր քանակությամբ։ Եթե այս կանխարգելիչ առողջապահական միջոցները պատշաճ կերպով պահպանվեն, ապա ձուկը հանդիսանում է հղի կանանց շրջանում կարևոր սննդային էլեմենտ։ Եթե որոշեք, որ ոչ-մի տեսակի ձուկ չեք օգտագործելու հղիության ընթացքում, ապա պետք է խորհրդակցեք Ձեր բժշկի հետ, որպեսզի հասկանաք ինչով եք լրացնելու ճարպաթթուների անհրաժեշտ քանակը։ Որոշ բուսական յուղեր, օրինակ՝ հլածուկի, կտավատի և ընկույզի յուղերը, արժեքավոր հավելում կլինեն։ Կան նաև օմեգա-3 պարունակող մթերքներ և օմեգա-3 ճարպաթթուներով սննդային հավելումներ, որպեսզի համոզված լինեք որ բավարար քանակով ճարպաթթուներ եք ստանում։ Եթե որոշեք օգտագործել սննդային հավելումներ, անպայման խորհրդակցեք բժշկի հետ։

Առաջին 3-4 ամսում կանանց մեծ մասը քաշ են հավաքում մեծացող ախորժակի պատճառով։ Նախքան ծննդաբերությունը միջինում 10-12 կգ հավելյալ քաշը սպասելի պետք է լինի։ Ձեր դեպքում գուցե ավելի քիչ լինի, սակայն եթե բավարար սնվում եք ապա 10-12 կգ հավելյալ քաշը միանգամայն նորմալ է։ Եթե փոքր-ինչ ավելի շատ լինի քաշը, բժիշկը կհետևի որ այն ամեն դեպքում լինի նորմայի սահմաններում։

Պրեէկլամպսիան հիվանդություն է, որն ուղեկցվում է բարձր արյան ճնշմամբ, ինչն էլ կարող է կապված լինել այտուցվածության և մեզի մեջ սպիտակուցների արտազատման հետ։ Նախազգուշացնող նշան կարող է լինել մատների և ոտնաթաթերի այտուցվածությունը։ Առավել ծանր դեպքերում հնարավոր են գլխապտույտ, գլխացավեր, քնկոտություն, մշուշոտ տեսողություն, սրտխառնոց և անգամ փսխում։ Ինչքան ծանր լինի դեպքը, այնքան մեծ է վաղաժամ ծննդաբերության, իսկ մոր մոտ կյանքին վտանգ սպառնացող հիպերտոնիայի հավանականություն։ Որպեսզի հիվանդությունը հայտնաբերվի և բուժվի վաղ ժամկետում, կանոնավոր նախածննդաբերական զննումները կարևոր են։ Հազվադեպ, դեռևս խորհուրդ է տրվում բուժել պրեէկլամպսիան սննդակարգի միջոցով, ինչը, սակայն, հնացած մեթոդ է։ Սննդակարգում միայն բրնձի օրեր կազմակերպելը կամ միզամուղ միջոցները չեն օգնի, իսկ կերակրի աղից հրաժարվելը խորհուրդ չի տրվում։ Առողջ, ինչպես նաև Պրեէկլամպսիայով ախտորոշված հղի կանանց խորհուրդ է տրվում կերակրի աղի նորմալ չափաբաժին ընդունել և սնվել բալանսավորված, սպիտակուցներով հարուստ սննդակարգով, որը նաև կպարունակի շատ հեղուկ։

Հղի կինն, ով տառապում է Ֆենիլկետոնուրիայով, ունի մայրական Ֆենիլկետոնուրիա։ Նման դեպքերում, ողջ հղիության ընթացքում խորհուրդ է տրվում ցածր ֆենիլալալինային սննդակարգ։ Արյան մեջ ֆենիլալալինի պարունակությունը պետք է կանոնավոր կերպով ստուգվի բժշկի կողմից և համապատասխան կերպով նշանակվի ֆենիլալալինի ցածր պարունակությամբ սննդակարգ: Դեռ չծնված փոքրիկի մոտ ֆենիլալալինի  մակարդակը մոր օրգանիզմում եղածից կրկնակի անգամ մեծ է լինում։ Մոր օրգանիզմում ֆենիլալալինի բարձր մակարդակը կարող է վնասել պտղին (ներառյալ նրա գլխուղեղին ու սրտին) կամ հանգեցնել վիժման։ Նման պայմաններում, հղիությունը պետք է լավ պլանավորված լինի, իսկ գինեկոլոգին պետք է ընտրել վաղ փուլում, որպեսզի հնարավոր լինի խուսափել պտղին սպառնացող վնասից։ Այդ իսկ պատճառով խորհուրդ է տրվում  նախքան հղիությունը բժշկի հսկողությամբ հետևել ցածր ֆենիլալալինային սննդակարգի։